"ASAN PEŞƏ" layihəsi çərçivəsində tələbə qəbulunun I turunda Texnika və Texnologiyalar üzrə Bakı Dövlət Peşə Təhsil Mərkəzində xüsusi fəalliq müşahidə olunub

Peşə təhsil müəssisələrinə "ASAN PEŞƏ" layihəsi çərçivəsində tələbə qəbulunun I turunda Texnika və Texnologiyalar üzrə Bakı Dövlət Peşə Təhsil Mərkəzində xüsusi fəalliq müşahidə olunub.Bizi seçən bütün təhsilalanlara təşəkkürümüzü bildirir, yeni tədris ilində uğurlar arzu edirik!

Növbəti məzunumuzun uğur hekayəsi!

Mən,Ceyhun Əliyev Nazir oğlu-özüm haqda nə deyə bilərəm. Çox mehriban,emosional, çalışqan və istiqanlı bir oğlanam. Düşdüyüm hər bir mühitdə özümə dost tapmağı bacarır və hamının diqqətini cəlb etməyə nail oluram. İnsanları cox sevirəm. Ünsiyyəti çox sevirəm. Əgər məndən soruşsalar ki, bəs hansı peşəni çox sevirsən, düşünmədən mühasiblik deyərdim. Bilmirəm yuxarıda sadaladığım şəxsi keyfiyyətlərimlə bu peşə arasında hansı əlaqə var. Lakin lap uşaqlıqdan valideynlərimin mənə verdikləri pulu və sonralar qazandığım pulları çox planlı xərcləməyi bacarıram. Görünür ki, bu xüsusiyyətimi reallaşdırmaq və xeyirli bir mütəxəssis kimi yetişmək üçün mühasib peşəsini seçdim.
Beləliklə, mühasib peşəsinə olan bu həvəs məni yaxşı sorağını çoxdan aldığım 4 nömrəli Bakı Peşə liseyinə gətirdi. 2017-2018-ci tədris ilində mən bu peşə liseyində “Mühasib” ixtisası üzrə təhsil almışam. Mühasib peşəsinə olan həvəsim deyərdim ki, təhsil aldığım bu tədris mərkəzində birə on qat artdı. İxtisas fənn müəllimlərimin peşəkarlığı və səyi nəticəsində mən, cox sevdiyim bu peşənin incəliklərinə daha da dərindən yiyələndim. Əlbəttə, oxuyub öyrəndikcə, seçdiyim peşənin sirlərinə yiyələndikcə sənətimi daha da sevdim və müəllimlərimə hörmətim, minnətdarlığım gündən günə artdı.
Liseyi bitirdikdən sonra peşəkar müəllimlərimin əvəzolunmaz qayğıkeşliyi və təqdimatı ilə mən “Bakı Elektronics şirkəti”ində mühasib vəzifəsində çalışmağa başladım. Şirkətə götürüldüyüm sınaq müddətində məsuliyyətim və biliyimlə kollektivin dərin hörmətini qazandım. Nəzəriyyə ilə praktiki biliklərin vəhdət təşkil etdiyi 4 nömrəli Bakı Peşə liseyində aldığım biliklər sayəsində həmin şirkətin daimi işçisi kimi mühasib vəzifəsinə təyin olundum. Əlbəttə, uğurlu başlanğıc olan yerdə uğurlu sonluq da olmalıdır. Deməli, mən seçimimi düzgün etmişəm. Buna görə liseyimizin müdriyyətinə və müəllimlərimə minnətdaram.
Mənimlə birlikdə təhsil alan qrup yoldaşlarıma bir mühasib kimi arzum odur ki, həyatınız 80 nömrəli hesabın krediti kimi olsun. Yəni daima mənfəət əldə edəsiniz. Əgər işinizdə mənfəət əldə edərsinizsə, bu sizin uğur hekayəniz olacaq. Sizlərlə bölüşdüyüm mənim “Uğur hekayəm” kimi.

Texnika və Texnologiyalar üzrə Bakı Dövlət Peşə Təhsil Mərkəzində Rusiyanın " R-Farm " şirkətinin rəhbərliyi və əməkdaşları ilə dəyirmi masa təşkil olunub

·         05.09.2018 tarixində Texnika və Texnologiyalar üzrə Bakı Dövlət Peşə Təhsil Mərkəzində Rusiyanın " R-Farm " şirkətinin rəhbərliyi və əməkdaşları ilə dəyirmi masa təşkil olunub.İşgüzar görüşdə Peşə Təhsili üzrə Dövlət Agentliyinin əməkdaşı Nigar İsmayılzadə , " R-Farm Moskva " Kadr Hazırlığı Departamentinin direktoru Ekaterina Repkina , Rusiya Kooperativ Mədiniyyət Departamentinin direktoru Mariya Teplova , R-Farm MMC zavodunun İnsan resursları üzrə meneceri Kəmalə Bayramova və mərkəzin rəhbər işçiləri iştirak ediblər.Görüşün məqsədi mərkəzdə tədris olunan "Tibbi avadanlıqların təmiri və xidməti elektromexaniki " ixtisası üzrə resurs mərkəzi açmaq , həmin ixtisas üzrə təhsil alan tələbələrin müasir peşə təhsili dünya standartları təcrübəsinə yiyələnmək üçün birgə fəaliyyət göstərmək , 2018-2019 tədris ilində tikintisi başa çatacaq Pirallahı rayonunda yerləşən Rusiya -Azərbaycan R-Farm Əzcaçılıq Zavodu üçün ixtisaslı kadrlarla təmin etməkdən ibarətdir.Görüşün sonunda birgə əməkdaşlıq məqsədilə ən yaxın zamanda tərəflər arasında anlaşma memorandomunun imzalanacağı baradə razılığa gəlinmişdir.

Texnika və Texnologiyalar üzrə Bakı Dövlət Peşə Təhsil  Mərkəzinin 2018-2019-cu tədris ili üçün nəzərdə tutulan Beynəlxalq layihələri!

Texnika və Texnologiyalar üzrə Bakı Dövlət Peşə Təhsil  Mərkəzində  2017\2018 –ci tədris ilindən etibarən Peşə Təhsili üzrə Dövlət Agentliyinin , Türkiyənin İnova Təhsil –Tədris Şirkətinin birgə  əməkdaşlığı çərçivəsində yeni bir təhsil proqramı tətbiq edilir.Keçən tədris ilində bu layihə çərçivəsində açılan “mobil telefonların təmiri ustası “ ixtisası üzrə təhsil alan tələbələr  elektrik və elektronika sahəsində innovativ, müasir təhsil proqramını əhatə edən ixtisasların nəzəri təlim- tədrisi ilə bərabər , müasir  peşə təhsili  dünya stantdartlarına uyğun istehsalat avadanlıqları , texnoloji cihazlarla təchiz olunan şirkətlərdə  istehsalat  təcrübələri keçiblər. Kursu bitirən 17 tələbə interaktiv  texnologiya və metodiki üsullarla elektronika avadanlıqlarının ( mobil telefonların ) təmiri –servizini öyrənərək mənimsəmişlər. Layihə başa çatdıqdan sonra məzunlar şirkətin əməkdaşlığı çərçivəsində işlə təmin  olunmuşdurlar. İnova Təhsil –Tədris Şirkətinin müəllim heyəti Azərbaycanın ixtisaslaşmış Universitetlərində (AzTU,ADNSU) tədris keçən professor –dosentlərdən və xarici şirkətlərdə təcrübə keçmiş peşə mütəxəssislərindən təşkil olunmuşdur.

Hazırda 2018\2019 cu tədris ilində İnova şirkəti aşağıdakı proqramlar üzrə layihəni davam etdirir:

avtomobil elektriki və elektronikası , rabitə texnologiyaları , tibbi cihazlar elektronikası ,sənaye (zavod-fabrik )elektronikası , məişət cihazları elektronikası , mobil telefonların təmiri ustası.

Bu sahələrdən sənaye (zavod-fabrik )elektronikası üzrə  ixtisaslaşan tələbələr zavod və fabriklərdə , müxtəlif şirkətlərdə istifadə edilən hər növ elektronika sistemlərinin –kontrollerlə idarə edilən  dəzgahların , robotexnika avadanlıqlarının quraşdırılıb-sazlanmasını , təmirini həyata keçirəcəklər. Tibbi cihazların elektronikası  sahəsi üzrə ixtisaslaşan tələbələr klinika və xəstəxanalarda istifadə edilən hər növ tibbi elektronika cihazlarının proqram təminatının sazlanmasını təmin edən mütəxəssislər olmaqla Respublikamızda bu sahədə yaranmış kəskin kadr çatışmazlığını aradan qaldıracaqlar.Avtomobil elektriki və elektronikası üzrə ixtisaslaşan tələbələr avtomobillərin bort kompüterlərinin təmirini , dünyada sürətlə artan elektrik mühərrikli avtomobillərin işprinsiplərini , təmiri və servisini təmin edəcəklər. Yeni tədris ilində İnova Təhsil –Tədris Şirkəti ilə Milli Ankoloji Mərkəz arasında imzalanan əməkdaşlıq müqaviləsinə əsasən ”  tibbi avadanlıqların təmiri və xidməti elektromexaniki “  üzrə ixtisaslaşan məzunlar Milli Ankoloji Mərkəzdə işlə təmin olunacaqlar.

Mərkəzimizin əməkdaşlıq etdiyi digər şirkət “ KNAUF “ şirkətidir.Şirkət 2016\2017-ci tədris ilindən mərkəzin nəzdində olan 4 nömrəli Bakı Peşə Liseyinin “quru inşaat “ ustası ixtisası üzrə tədris alan tələbələrinə tikinti sektorunda keyfiyyət göstəricisinin artmasına töhfə verən təlimlər keçmiş , tələbələrin şirkətdə istehsalat təcrübələri keçməsini , məzunların işlə təmin olunmasını təmin etmişdir.KNAUF şirkətinin növbəti tədris ilində hədəfi inşaatçı peşələri üzrə kadr hazırlığı sahəsinə investisiya portfoliosunu genişləndirmək, KNAUF-un məhsullarının əsas üstünlüklərini bilən və bu məhsulları düzgün tətbiq etməyi bacaran mütəxəssislərin əmək bazarına daxil olmasına şərait yaratmaq ,bununla da  KNAUF-un məhsullarının satış bazarının genişlənməsinə nail olmaq və şirkətin məhsullarının tikintidə tətbiqini yüksək səviyyədə həyata keçirən rəqabətə davamlı kadrlar hazırlamaqdan ibarətdir.

Almaniyanın Grohe şirkəti  2018-2019-cu tədris ilində Texnika və Texnologiyalar üzrə Bakı Dövlət Peşə Təhsil Mərkəzində açılacağı nəzərdə tutulan "santexnik " ixtisası üzrə müasir peşə təıhsilinin tədrisi üçün  qabaqcıl alman peşə təhsil sisteminin təcrübəsinə əsaslanan dünya standartlarına uyğun alman texnologiyalı avadanlıqlarla təchiz oluan  müasir fən kabineti və istehsalat emelatxanasının təmiri prosesi uğurla davam etdirilir.16.08.2018-ci il tarixində pilot layihə ilə bağlı növbəti işgüzar görüş keçirilib.Görüşdə Manfred Kuhh "Grohe Aq Amerika , Afrika, Ekaterina Chadeva  "Uzaq Şərq "üzrə ali baş təlimçi - expert " ,  Christian Botter "   MDB ölkələri üzrə beynəlxalq expert və mərkəzimizin rəhbər heyəti iştirak ediblər.İşgüzar görüş zamanı "santexnik " ixtisası üzrə modul proqramları, tələbələrin dərslik və forma ilə təmin olunmaları , həmçinin tədris aparacaq tərcüməçi müəllimlərin peşəkarlıq səviyyəsi müzakirə olunub. 17.09.2018 tarixində layihənin uğurlu açılışı nəzərdə tutulub.Açılışda layihə rəhbərliyinin dəstəyilə  Almaniyadan, MDB ölkələrindən ,Grohe Aq Amerika şirkətindən və digər beynəlxalq təşkilatlardan dəvət olunan peşə təhsili üzrə expert və təlimçilərin iştirakı gözlənilir.Yeni tədris ilində məqsədimiz və hədəflərimiz mərkəzin strateji planında nəzərdə tutulduğu kimi  təıhsilalanlara nümunəvi tədrisin keçirilməsi  ,  mükəmməl praktiki təcrübə qazanmaları və işlə təmin olunmaları planlaşdırılıb.